ލިޔުންތެރިކަން
ލިޔުންތެރިކަން މި ބަހަށް ބަލާއިރު މި ބަސް ދެ ބަޔަކަށް ބަހާލެވިދާނެ އެވެ.
އެއީ ލިޔުން އަދި ތެރި ކަމެވެ. މަސައްކަތަކަށްވެސް އަދި އެ މަސައްކަތުން
އުފައްދާ އެއްޗަކަށްވެސް ލިޔުން ކިއިދާނެ އެވެ. ލިޔުން މިއީ މަސްދަރެކެވެ.
މަސްދަރު އައިސްފައިވާ އަޞްލަށް ބަލާއިރު އެއީ ކަމެކެވެ. ލިޔުމަކީ އެއްޗެއް
ދޭހަވާގޮތަށް ކުރެހުމެވެ. ތެރިކަން މި ލަފުޒަށް ބަލާއިރު މި ލަފުޒުވެސް
ދެބަޔަކަށް ބަހާލެވިދާނެއެވެ. އެއީ ތެރި އަދި ކަމެވެ. ތެރި މިއީ ލަފުޒުތައް
ގުޅުވަން ބޭނުންކުރާ އަކުރެކެވެ. ތެރިކަން މިއީ ކުޅަދާނަކަން ހާމަކޮށްދޭން
ބޭނުންކުރާ ލަފުޒެކެވެ. އެހެންކަމުން ލިޔުންތެރިކަމުގެ ޖުމްލަ މާނަ އަކީ މާނަ
ކުރަހައި ދިނުމުގެ ކުޅަދާނަ ކަމެވެ. ލިޔުންތެރިކަމުގެ ތެރޭގައި
ތަފާތު ބާވަތްތަކުގެ ލިޔުންތައް ލިޔުން ހިމެނެއެވެ. މިގޮތުން މަޒުމޫނު،
ވާހަކަ، އުފެއްދުންތެރިލިޔުން، ބަޔޮގުރަފީ، އޮޓޯބަޔޮގުރަފީ ފަދަ ލިޔުންތައް
ހިމެނެއެވެ.
ކިޔަވާކުދިންގެ ކިބައިގައި ލިޔުންތެރިކަން އަށަގެންނެވުމަކީ ވަރަށް މުހިންމު
ކަމެކެވެ. އެހެންކަމުން މިބައިގައި މިބަލާލަނީ، ލިޔުނެތެރިކަމުގެ ތަފާތު
ވައްތަރުތަކަށެވެ.
Reviewed by ވާޖިދާ ހާރޫން
on
July 12, 2020
Rating:
އަޅުގަނޑަކީ ދިވެހި ބަހުގެ ޑިގުރީ ފުރިހަމަކުރުމަށްފަހު، ދިވެހި މުދައްރިސެއްގެ ހައިސިއްޔަތުން މަސައްކަތް ކުރަމުން އަންނަ މީހަކީމެވެ. އުނގެނުމާއި، އުނގަންނައިދިނުން އަދި ކިޔަވައިދިނުމާ ގުޅޭ އައު ކަންތައްތައް ހޯދާ ބެލުމަކީ، އަޅުގަނޑު ވަރަށް ބޮޑަށް ޝައުޤުވެރިވާކަމެކެވެ.
