ހެޔޮ އެއްގޮތެއް ވެސް ނެތެވެ.
މާތްﷲ ސުބުހާނަހޫ ވަތަޢާލާ އިންސާނާ އުފައްދަވާފައިވަނީ އެންމެ ފުރިހަމަ
ސިފައިގައެވެ. އެހެންކަމަށްވާއިރު، އެ އިންސާނާގެ ސިފަތަކަށް ފާޑުކިޔުމަކީ އެ
އިންސާނާ ހަލްގުކުރެއްވި ﷲ ސުބުހާނަހޫ ވަތަޢާލާއަށް ގޮންޖެހުން ފިޔަވައި އިތުރު
ކޮންކަމެއް ހެއްޔެވެ؟
ކޮންމެއަކަސް، މިއީ މިއަދު މި މުޖުތަމައުއިން ވެސް ފެންނަ ނުރަނގަޅު
ސިފައެކެވެ. މީހަކު ފެންނައިރަށް ހާދަ ފަލައޭ، ހާދަ ހިއްކޭ، ހާދަ ކަޅޭ، ހާދަ
ދޮނޭ ފަދަ ބުނުންތަކަކީ ދުވަހީ ދިރިއުޅުމުގައި ކޮންމެ މީހަކަށް ވެސް އަޑުއަހަން
ޖެހިފައިވާ "ގަނާކުރުމުގެ" އަޑުތަކެކެވެ.
ހިކިވުމާއި، ފަލަވުން، ދޮންވުމާއި، ކަޅުވުން މިއީ އިންސާނާގެ ބާރުގެ ދަށުގައިވާ ކަންކަމެއް ނޫންނެވެ. ކޮންމެ މީހަކީ ވެސް ރީތި ބުރުސޫރައެއް ބޭނުންވާނެ މީހެކެވެ. އެކަމަށް ގަދައަޅާ މަސައްކަތްކުރާ މީހުންގެ އަދަދު ވެސް ވަރަށް ގިނައޭ ދެންނެވުމަކީ ދޮގަކަށް ނުވާނެއެވެ.
ތުއްތު ކުއްޖާ ދުނިޔެއަށް އުފަންވާ ވަގުތުން ފެށިގެން ވެސް އެ ކުއްޖާގެ ހަމުގެ ކުލައަށް ބަލައި "ދޮން"، "ކަޅު"ގެ "ޓެގް" އަޅުވައެވެ. އެ ކުއްޖާ ދޮންނުވީ މާބަނޑު ދުވަސްވަރު މިވެނި ކަމެއް، އެވަނިކަމެއް ނުކުރީމައޭ ބުނެ އަޑުއިއްވައެވެ. އެއް ކުއްޖަކާ އަނެއް ކުއްޖެއްގެ ހަމުގެ ކުލަ އަޅާކިޔަން ފަށައެވެ. ކުދިން ބޮޑެތިވެ، މުޖުތަމައުގެ ތެރެއަށް ނިކުންނައިރު މި ޤަބޫލުކުރުންތަކާއި، އަޑުތައް އެކުދިންގެ ސިކުނޑީގައި ބިންވަޅު ނެގި، އެ ބަސްތައް އެކުދިން ވެސް އެގޮތުގައި ބޭނުންކުރަން ފަށައެވެ. އެހެންނަމަވެސް އެއްވެސް އިންސާނަކީ އެމީހާގެ ބުރުސޫރައަށް ބަލައި ވަކި ހާއްސަ މަޤާމެއް ލިބިގެންވާ މީހެއް ނޫންކަން އަހަރެމެންގެ މާތްވެގެންވާ އިސްލާމްދީނުގައި އަންގަވާފައިވެއެވެ. އިންސާނާ އެކަކު އަނެކަކުގެ މައްޗަށް ކުރި ހޯދަނީ ދީންވެރިކަމާއި، ތަޤުވާވެރިކަމުންކަމަށް އަންގަވާފައިވެއެވެ. އެހެންކަމަށްވާއިރު، އަހަރެމެންނަކީ މުސްލިމުންނޭ ބުނެ ތިބެ، މި ކުރެވެނީ ދީނަށް ފުރައްސާރަ ނޫންތޯއެވެ.
Reviewed by ވާޖިދާ ހާރޫން
on
August 01, 2020
Rating:
އަޅުގަނޑަކީ ދިވެހި ބަހުގެ ޑިގުރީ ފުރިހަމަކުރުމަށްފަހު، ދިވެހި މުދައްރިސެއްގެ ހައިސިއްޔަތުން މަސައްކަތް ކުރަމުން އަންނަ މީހަކީމެވެ. އުނގެނުމާއި، އުނގަންނައިދިނުން އަދި ކިޔަވައިދިނުމާ ގުޅޭ އައު ކަންތައްތައް ހޯދާ ބެލުމަކީ، އަޅުގަނޑު ވަރަށް ބޮޑަށް ޝައުޤުވެރިވާކަމެކެވެ.
